===KONFERÉNSIA IMPRENSA===
2 fevereiru 2021 09:00
Dra. Odete da Silva Viegas, Dermatolojista
Kordenadóra Jerál Komisaun COVID-19

Dadus 2 fevereiru 2021

Kazu Foun : +5
Komulativu Kazu : 75
Rekuperadu : 2
Komulativu Rekuperadu : 53+4 = 57
Atuál Baixa : 22 (Vera Cruz: 21, RAEOA: 1)

Atualiza kazu pozetivu foun Covid-19
Ohin 2 fevereiru 2021 husi komisaun nasionál rejista tan sidadaun estranjeiru ema na’in 5 ne’ebé konfirmadu pozetivu covid-19 kompostu husi mane 3 no feto 2. Entre sira ne’e mane iha idade 52, 50, 15 no feto iha idade 14 ho 18, sira ne’e hotu asintomatiku.

Sira-nia viajen husi Tánzania iha 17 janeiru 2021 no 20 janeiru sira tun iha Aeroporto Dili ho aviaun Malázia Airlines. Sira halo auto-kuarentena iha Lorenso Campound Metiaut no fatin refere prenxe duni prosedimentu Covid-19.

Teste swab foti iha dia 29 janeiru, resultadu RT- PCR pozetivu SARS CoV-2 relata iha 1 fevereiru 2021.

Iha loron 20 janeiru ne’e pasajeiru Malázia Airlines hamutuk ema na’in 75. Iha Dili sira hela iha diferensa ótel no apartementu hamutuk 19 hanesan : Ótel Arbiru Beach, Ótel Timor, Kampaun Beach House, Rezidénsia Malinamok, Villa Mata Rua, JL Vila, Kampaun Menoa, Ótel Time Square, Villa Bemori, Jack Sing Apartementu, Kampaun Timor Resort, Beach Garden, Palm Beach, Rezidénsia Tuana Laran, Ray Garden Apartamentu, Rezidénsia Jacinto, Villa Mar, USA Embassy no Rezidénsia Comoro)

Ohin 2 fevereiru ministériu saúde fó sai hikas pasiente rekuperadu Covid-19 na’in 2. Mane ho idade 16, Nia baixa iha 24 janeiru, teste primeiru foti iha 28 janeiru no teste segundu iha 1 janeiru no rezultadu negativu tutuir malu.

Feto ho idade 29. Nia baixa iha 23 janeiru, teste primeiru foti iha 28 janeiru no teste segundu foti iha 1 janeiru no rezultadu hatudu negativu tutuir malu.
Nune’e pasiente rua refere ohin alta ona sala izolamentu Vera Cruz Dili hodi fila ba sira-nia família no nia komunidade.

Hakarak atu hato’o mós informasaun ba públiku tomak regras Estadu de Emerjénsia ka EE ba dala 10 nian ne’e katak sidadaun hotu-hotu tantu sidadaun nasionál ou internasionál sei submete ba Kuarentena Obrgatóriu, exeptu ba nível diplomata sira. Ministériu Saúde liuhusi ekipa vijilánsia designa tiha ona fatin ka ótel ne’ebé sai hanesan kuarentena ba sidadaun sira ne’e atu tama mai Timor-Leste.

Atu termina, ministériu saúde nafatin apelu ba ema hotu atu halo tuir prátika Medidas Preventivas no hametin vijilánsia iha Fronteira. Ba komunidade ne’ebé iha sintomas hanesan isin manas, me’ar, inus-been favór ba konsulta iha fasilidade saúde ne’ebé besik.

#MediaPalaciodasCinzas See More



Source link