27 janeiru 2021, 9:15
Dr. Nilton do Carmo… da Silva, Spot,MBiomed
Kordenadór Pilár VII Covid-19
✅Dadus 27 janeiru 2021
1️⃣Komulativo Kazu : 68
2️⃣Kazu Foun : +1
3️⃣Atuál Baixa : 18
✅Atualiza Kazu Pozetivu 27 janeiru 2021
Ohin 27 janeiru 2021 ministériu saúde rejista tan sidadaun Timór-oan na’in 1 ne’ebé konfirmadu kazu Covid-19, pasiente mane ho idade 27 ne’e iha sintoma hanesan isin kole no tolan kabeen moras.
Iha 24 janeiru pasiente ne’e informa ba médiku iha fatin kuarentena katak iha sintomas, ho ida-ne’e ekipa vijilánsia responde kedas hodi halo teste swab ka foti amostra, rezultadu teste husi laboratóru relata katak sidadaun ne’e pozetivu Covid-19, ho nune’e ekipa jestaun kazu iha Pilár 7 evakua kedas pasiente refere ba iha izolamentu Vera Cruz.
Ita-nia maluk ne’e nia mai husi Indonézia hamutuk ho pasiente pozetivu hirak ne’ebé dadaun ne’e iha izolamentu Vera Cruz. Sira tama mai Timor-Leste liuhsu Pontu Entrada Batu-Gede iha loron kuarta 20 janeiru semana kotuk no iha Dili nia hela iha kuarentena ótel Novo Horizonte.
Atu informa mós ba públiku katak pasiente Covid-19 iha izolamentu Vera Cruz en jerál sira-nia kondisaun di’ak hotu inklui ida-ne’ebé ho idade 64.
See More